Qırğızıstanda 1-2 may tarixləri Tacikistanla sərhəddəki konflikt ucbatından ölənlərə görə milli matəm günləri elan edilib.
KONKRET.az -ın Mərkəzi Asiya ölkələri üzrə bürosu xəbər verir ki, bu barədə əmri Qırğızıstan Prezidenti Sadır Japarov imzalayıb. Japarovun əmrinə əsasən, matəm günlərində ölkədə bütün əyləncəli proqramlar ləğv ediləcək və ölənlərin yaxınlarına yardım ediləcək.
Qeyd edək ki, Qırğızıstanla Tacikistan arasında baş verən konflikt nəticəsində 20-dən çox insan dünyasını dəyişib, yüzlərlə insan xəsarət alıb.