Rusiyada Beynəlxalq Qadınlar Günü ərəfəsində gül qıtlığı yaranıb. Buna səbəb gömrükdə yaranan problemlərdir.

KONKRET.az xəbər verir ki, 8 mart bayramına görə güllərin təxminən 80 faizi adətən xaricdən gətirilirdi. Bu il tədarük ən azı 13 faiz azalıb.

Güllərin əsas axını ölkənin şimal-qərbindəki gömrük postlarından keçir. Lakin martın əvvəlində sərhəddə qızılgül, lalə və xrizantema daşıyan yüzlərlə yük maşınından ibarət uzun növbələr yaranmağa başlayıb. Bu, bir çox treyderin martın 9-10-na qədər sifarişlərini almaması ilə nəticələnəcək.

Məsələn, Cənubi Amerikadan gələn qızılgüllər Rusiya anbarına adi vaxtda olduğu kimi 6 günə deyil, 12 günə çatdırılıb.

Sərhəddə tez-tez problemlər və gecikmələr yaranır.

Qeyd edək ki, 2023-cü ilin payızından sərhəddə nəqliyyat vasitələri üçün elektron növbə ilə yeni qaydalar qüvvəyə minib. Növbə tez xarab olan məhsullar və digər mallar üçün ümumidir.  Bu sistemdən əvvəl yeni kəsilmiş güllər gömrükdən daha tez keçirdi. Çatdırılma müddətinin artırılması məhsulların keyfiyyətinə mənfi təsir göstərir.

Rəsmiyyə Şərifova,

KONKRET.az