Rusiyanın qadın həbsxanalarında qadınların həbs həyatı ilə bağlı tələblər çox konkretdir.

KONKRET.az rus mənbələrinə istinadən hazırlanan yazını təqdim edir. Qeyd edək ki, bu yazıda xüsusən qadınların ailə şəklində yaşaması və lezbiyanların həyat tərzinə geniş yer verilib:

“Türmələrdə aktiv və passiv lezbiyanlar olur. Passiv lezbiyanların münasibətlərində dominant tərəf ər rolunu yerinə yetirir. Lakin aralarında intim münasibətlər olmur.

Lakin aqressiv lezbiyanlara da rast gəlinir. Onlar kişi paltarı geyinirlər, çox qısa saç düzümləri var, iddialı xasiyyətləri ilə seçilirlər. Belələri kişi adları ilə çağırılmağa üstünlük verirlər. Məsələn, Natalyanı həbsxana yoldaşları Natan kimi çağırır.

Maraqlı məqam ondan ibarətdir ki, qadın-lezbiyanlarla yanaşı, ilk dəfə yetkinlik yaşına çatmayanlar təcridxanalarda belə “təcrübə” əldə edirlər. Belə ki, burada məhkum olunmuş gənc qızlar çox vaxt ər-arvad cütləri yaradırlar.

Yalnız orada uzun müddət qaldıqları halda gənc qızlar “ailə” qururlar. Digər məhkumlar bu tipli həyat tərzindən qaçmağa çalışırlar. Bu qadınlar çox vaxt əsəbi olurlar və asanlıqla öz yoldaşları ilə əlbəyaxa dalaşırlar.

Amma bu o demək deyil ki, rus türmələrində qadınlar arasında intim münasibətlər heç olmur. Buna bəzən həbsxana rəhbərliyi tərəfindən göz yumulur. Qadınlar ehtiraslarını söndürmək üçün daha sərt yoldaşlarına üstünlük verirlər. Amma etibar məsələsi önəm kəsb edir. İntim hisslərini onlar hər kəsə danışa bilmirlər. Həbsxana həyatının yazılmamış qanunları bu məsələdə onların əleyhinə də işləyə bilər.

Rus türmələrində milliyyyətcə başqa qadınlar da olur. Amma ruslar daha çox üstünlük təşkil edir. Yaxınları, doğmaları və övladlarının xüsusi qayğısından uzaq olan qadınlar türmələrdə formalaşmış “ailəsindən” zövq alır və zamanını öldürür.

Qadın qazamatlarında bir müsbət hal odur ki, kişilərdə olduğu kimi azadlığına məhdudiyyət qoyulmuş xanımlarda zorakılıq və deqradasiya yoxdur. Hər şey tərəflərin tam könüllü razılığı ilə baş verir.

Qadın türmələri daha təmiz olur, döşəmələr vaxtlı-vaxtında silinir, dəhlizlər qadına xas səliqə ilə seçilir.

Həbsxanada olmağına baxmayaraq, kosmetikadan istifadə edənlər də az deyil.

Əks cinsdən olan əksəriyyət məhbuslar təvazökar və sakit davranışları ilə seçilirlər. Həm də bu nizam-intizamın arxasında sərt “ər” və həbsxana rəhbərliyi dayanır.

Lakin qadın həbsxanalarında ciddi problemlər də az deyil. Dəmir barmaqlıqlar arxasındakı həyat tərzindən bezən qadınlarda isterika hallarına da rast gəlinir. Ümumi qaydalara tabesizlik bəzən sərt tədbirlərə yol açır. Qadınlar arasında qısqanclıq mübahisələrinin də çox olduğu deyilir.

“Ailə həyatında” çox qısqanc olan belə qadınlar hərəmlərinə çox açıq-saçıq paltar geyinməyi və ya başqa kobllarla ünsiyyət qurmağı qadağan etməyə başlayırlar. Ümumiyyətlə, qadın zonalarında əsl ailə dramları da yaşanır.

Yeri gəlmişkən, dəmir barmaqlıqlar arxasında olan qadınlar 3-5 xanımdan ibarət bir növ “ailə” yarada bilirlər. Belə xanımlara ailə xanımları deyilir. Ailə üzvləri istiliyi bölüşür və həmişə bir-birinin yanında olurlar ki, bu da “zon”da çox vacibdir.

Hazırladı: Rəsmiyyə Şərifova,

KONKRET.az