ARB TV-nin “Onun Sirri” verilişinin növbəti qonağı aparıcı Zümrüd Bədəlova olub.

KONKRET.az xəbər verir ki, tanınmış aparıcı ailə həyatının dağılmasına səbəb olan insanlardan danışıb:

“Heç bir qadın ailəsinin dağılmasını istəməz. Orada mütləq üçüncü şəxs olur. Mənim həyatımda isə üçüncü yox, hətta dördüncü, beşinci və daha çox şəxslər vardı. Mənim və keçmiş həyat yoldaşımın yaxınlarının əməlləri, pis niyyətləri, bu ailəni dağıtma istəkləri ilə bu həyatı dağıtdıq. Əgər kimsə sizin pisliyinizi düşünürsə, düşüncəsi belə kifayət edir. O pis niyyət sizi gəlib tutur.Qarğışların hamısı məni tutdu.

Sakitcə ailə qurub buralardan getmişdim. Heç kimə heç nə etməmişdim. Mənim ikinci övladımın dünyaya gəlməsinin qarşısını aldılar. Mənim də, həyat yoldaşımın da həyatını məhv etdilər”.