Türkiyədə sel fəlakətində ölənlərin sayı artıb.
KONKRET.az xəbər verir ki, bu barədə daxili işlər naziri Süleyman Soylu məlumat verib.
O, bölgədə təsirli olan daşqınlar nəticəsində Şanlıurfada 12, Adıyamanda 2 nəfərin həyatını itirdiyini, 5 nəfərin axtarışlarının davam etdiyini açıqlayıb.
Qurbanların sayının arta biləcəyi istisna edilməyib.
17:57
Türkiyədə zəlzələ bölgəsində intensiv yağışların yağması ilə yaranan sel nəticəsində həlak olanların sayı 13-ə çatıb.
KONKRET.az xəbər verir ki, bu barədə “Habertürk” məlumat yayıb.
Bildirilib ki, hələ də itkinlər var, ölənlərin sayının artacağı istisna deyil.
Xatırladaq ki, sel Adıyaman və Şanlıurfa şəhərlərini əhatə edir.
***
14:14
Türkiyədə zəlzələ bölgəsində güclü yağışlar selə səbəb olub.
KONKRET.az xəbər verir ki, Adıyamanda konteyneri sel aparması nəticəsində 1 nəfər həlak olub, 4 nəfər isə itkin düşüb.
Məlumata görə, Şanlıurfada da sel nəticəsində 6 nəfər itkin düşüb. Şəhərdəki xəstəxanaları, küçələri su basıb.
Qeyd olunub ki, sel səbəbindən şəhərdəki məktəblərdə tətil elan edilib.