Avropa İttifaqı Ukrayna vətəndaşlarına sığınacaq verilməsi üçün xüsusi mexanizmin müddətini 2025-ci ilin mart ayına qədər uzadıb.

KONKRET.az xəbər verir ki, bu barədə Brüsseldə keçirilən Aİ Şurasının bəyanatında deyilir.

“Hazırda Aİ-də yaşayan 4 milyondan çox ukraynalı qaçqının təhlükəsizliyini təmin etmək üçün Şura Ukraynadakı münaqişədən qaçan insanların müvəqqəti müdafiəsini 2024-cü il martın 4-dən 2025-ci il martın 4-dək uzatmaq barədə razılığa gəlib”, – bəyanatda deyilir.

Qeyd edilir ki, mexanizm Brüssel tərəfindən 4 mart 2022-ci ildə işə salınıb.

Xatırladaq ki, AB-nin fövqəladə vəziyyət mexanizmi kütləvi qaçqın axınının olduğu müstəsna hallarda işə salınır.

Ariz Həsənoğlu,

KONKRET.az