Almaniya kansleri Olaf Şolzun Varşavadan miqrasiya vizası ilə bağlı ittihamları aydınlaşdırmaq çağırışı Polşanın seçki kampaniyasına müdaxilə cəhdidir.

KONKRET.az xəbər verir ki, bu sözləri Polşanın xarici işlər naziri Zbiqnev Rau deyib.

Sıx gərgin mübarizə şəraitində keçən 15 oktyabr seçkiləri öncəsi miqrasiya əsas kampaniya məsələsinə çevrilib. Bu ay Polşa hökuməti müxalifət partiyalarının ittihamları ilə üzləşdi ki, miqrantlar vasitəçilərə ödəniş etdikdən sonra lazımi yoxlamalar aparılmadan yüksək sürətlə Polşa vizalarını aldılar.

Bundan əvvəl Almaniya kansleri Şolz məsələnin aydınlaşdırılmasını tələb etdiyini bildirərək Almaniyanın Polşa ilə sərhəddə yoxlamalarla bağlı addımlar ata biləcəyini təklif edib.

“Almaniya kanslerinin səlahiyyətləri açıq şəkildə Polşada davam edən proseslərə aid deyil”, – Rau bildirib.

“Bu məsələ ilə bağlı bəyanatlar Polşa dövlətinin daxili işlərinə və davam edən seçki kampaniyasına qarışmaq cəhdindən xəbər verir”, – nazir qeyd edib.

Rau Almaniya kanslerini Polşanın suverenliyinə hörmət etməyə və münasibətlərimizə xələl gətirən bəyanatlar verməkdən çəkinməyə çağırıb.

Ariz Həsənoğlu,

KONKRET.az