Amerika qırıcı alınması üçün verilən pulu Türkiyəyə qaytaracaq.

KONKRET.az xəbər verir ki, bu barədə Türkiyənin xarici işlər naziri Mövlud Çavuşoğlu “Hürriyyət” qəzetinə müsahibəsində bildirib.

O, F-35 qırıcılarının alınması üçün amerikalılara ödənilən pulun ölkəyə qaytarılacağını bildirib.

“F-35 üçün pul verdik, vəsait yatırdıq, indi pulumuzu geri alacağıq. Bu sistemdən çıxmağımız öz istehsalımızı sürətləndirmək üçün hərəkətverici qüvvə oldu”, – deyə Çavuşoğlu bildirib.

Bundan əvvəl ABŞ Türkiyəni F-35 beşinci nəsil qırıcıların tədarükü proqramından çıxarması barədə xəbərdar etmişdi. Bu qərara səbəb Ankaranın Rusiyadan S-400 hava hücumundan müdafiə sistemlərini almasıdır. Prezident Rəcəb Tayyib Ərdoğanın daha sonra dediyi kimi, amerikalılar türklərə dördüncü nəsil F-16 qırıcıları almağı təklif ediblər.

Xuraman Etibarlı,

KONKRET.az