Dünən La Liqanın 1-ci turu çərçivəsində oynanan “Real Madrid” – “Malyorka” oyununda gözlənilməz nəticə qeydə alınıb. “Kral klubu” 1-0 öndə olduğu oyunda yalnız bərabərliyi təmin edə bilib və matçdan 1 xalla ayrılıb. 

KONKRET.az xəbər verir ki, “Real Madrid” qarşısında ev sahiblərinin qolunu Arda Gülərin keçmiş komanda yoldaşı Vedat Muriqi vurub. Qoldan sonra oyun sistemini itirən madridlilər bütün cəhdlərə baxmayaraq, qələbə topunu vura bilməyiblər.

Qeyd edək ki, türkiyəli gənc ulduz Arda Gülər oyunun 88-ci dəqiqəsində matça daxil olub. Bu nəticə ilə “Real Madrid” liqaya 1 xalla başlayıb.