Britaniya Mühafizəkarları Consonun yenidən Baş nazir olmasını istəyirlər.

KONKRET.az xəbər verir ki, bu barədə YouGov ictimai rəy xidməti tərəfindən aparılan sorğunun məlumatlarında bildirilir. Məlumata görə, Böyük Britaniyanın Mühafizəkarlar Partiyası hesab edir ki, hazırkı Baş nazir Liz Trass öz mövqeyinə uyğun gəlmir və Boris Consonun geri qayıtmasını istəyirlər.

“Mühafizəkarlar Partiyasının əksər üzvləri Liz Trassın istefasını istəyir və onlar onun üçün ən yaxşı əvəzi Boris Consonu görürlər”, – Sky News çərşənbə axşamı sorğunun təfərrüatlarını sitat gətirib.

YouGov qeyd edir ki, yalnız 25% yeni seçkidə Liz Trassa səs verib, sorğuda iştirak edənlərin 63% isə Boris Consona səs verib.

Oktyabrın 17-18-də keçirilən sorğuda Mühafizəkarlar Partiyasının 530 nümayəndəsi iştirak edib. Bu, Liz Trassın baş nazir kimi təsdiqlənməsindən altı həftə sonra baş verib.

Daha əvvəl BBC-yə müsahibəsində Trass bir sıra parlamentarilərin istefaya çağırışlarına baxmayaraq, vəzifəsində qalmaq niyyətində olduğunu bildirib.

Xuraman Etibarlı,

KONKRET.az