“Ermənistan yaxın 20 ildə Aİ-yə üzv olmayacaq”.

KONKRET.az xəbər verir ki, bunu məşhur almaniyalı politoloq Aleksandr Rar deyib.

O bildirib ki, ilk növbədə Aİ iqtisadi, maliyyə, sosial və təhlükəsizlik problemlərini həll etməlidir:

“Aİ-nin 10 və ya 20 il əvvəl olduğu kimi digər ölkələrə təklif edəcəyi çox az şey var. Bütün bunlar Aİ-nin genişlənmə ehtimalını sual altına qoyur. Bundan əlavə, Aİ-yə daxil olmaq üçün kriteriyalara cavab vermək çox çətindir. Üzvlük istəyən ölkə qanunları dəyişməli, hüquqi məsələləri həll etməlidir ki, bu da illər çəkəcək”, –  deyə ekspert bildirib.

Günel Mikayılova,

KONKRET.az