Finlandiya Rusiya ilə arasındakı sərhəd məntəqələrində hasarlar quraşdıracaq.

KONKRET.az xəbər verir ki, bu barədə Finlandiya Sərhəd Xidməti məlumat yayıb.

Bildirilir ki, Finlandiya Sərhəd Mühafizəsi noyabrın 18-də saat 00:00-dan etibarən ölkənin cənub-şərqində dörd keçidi bağlayacaq.

“Sərhəd keçidlərini bağlamaq üçün fiziki maneələr və bloklayıcı qurğulardan istifadə olunacaq”, – məlumatda deyilir.

Sərhəd Xidməti keçid üçün ölkənin şərq sərhədindəki digər açıq buraxılış məntəqələrindən istifadə etməyi tövsiyə edir.

Qeyd edək ki, noyabrın 16-da Finlandiyanın baş naziri Petteri Orpo qaçqınlarla bağlı vəziyyətlə əlaqədar Rusiya ilə sərhəddə dörd sərhəd keçid məntəqəsinin bağlandığını bildirib.

Ariz Həsənoğlu,

KONKRET.az