Yəmənin “Ənsar Allah” hərəkatından olan husilər Amerikanın “USS Harry S. Truman” təyyarədaşıyan gəmisinə raket və pilotsuz təyyarələrlə hücum edib.

KONKRET.az CNN-ə istinadən xəbər verir ki, bunu qiyamçıların nümayəndəsi Yəhya Səriya deyib: “İki qanadlı raket və 4 PUA-dan istifadə etməklə həyata keçirilən əməliyyat ABŞ-nin Yəmənə genişmiqyaslı hava hücumuna hazırlığını pozdu”. Saria həmçinin bildirib ki, silahlı qüvvələr İsrail hədəflərinə bir sıra koordinasiyalı hücumlar həyata keçirib. İlk əməliyyat iki pilotsuz təyyarədən istifadə etməklə Yaffadakı hərbi obyekti hədəfə alıb. İşğal altındakı Aşkelondakı həyati əhəmiyyətli İsrail qurğusunu hədəf alan ikinci əməliyyat pilotsuz uçan aparatdan istifadə edilərək həyata keçirilib və ciddi nəticələrə gətirib çıxarıb.”Axşam saatlarında işğal altındakı Yaffadakı hərbi obyektə növbəti PUA zərbəsi endirilib”, -deyə Saria əlavə edib.

Vəli Həsənoğlu,

KONKRET.az