İranlı alimlər tərəfindən hazırlanan “COVIRAN Bereket” peyvəndi ilk dəfə ölkənin Səhiyyə naziri Səid Nəmaki və digər səlahiyyətlilərin qatıldığı bir mərasimdə insanlara tətbiq edilib.

KONKRET.az xəbər verir ki, bu barədə “Haber Global” məlumat yayıb.

Peyvənd hazırlayan alimlər qrupuna rəhbərlik edən Məhəmməd Müxbirin qızı Tayyibə Müxbiri peyvənd vurulan ilk könüllü olub. Hazırlanan peyvənd bu gün daha üç nəfərə vurulacaq və sonrakı günlərdə tədricən 56 könüllüyə tətbiq ediləcək.

Peyvəndin ilk günündən sonra 14-cü gündə ikinci, 28-ci gündə sonuncu dəfə vurulacağı bildirilib.

Peyvənd üçün 65 min insanın könüllü olduğu qeyd edilir.