Lənkəranda güclü külək irigövdəli ağacı avtomobilin üzərinə aşırıb.

KONKRET.az xəbər verir ki, hadisə ötən gecə saat 21 radələrində köhnə Ələt-Astara magistralının 197-ci kilometrliyində, Lənkəran rayonunun Göyşaban kəndi ərazisində qeydə alınıb. Lənkəran sakini Yalçın Gülhəsən oğlu Həsənova məxsus, 42-CB-537 dövlət nömrə nişanlı, “KİA Sorento” markalı avtomobilə ciddi ziyan dəyib. Qəzada xəsarət alan olmayıb.

Ağac yolun hərəkət istiqamətinə düşdüyündən gediş-gəlişi qısa müddətdə dayanıb. Əraziyə Lənkəran DYP bölməsinin əməkdaşları cəlb olunub. Tıxacın qarşısını almaq üçün ağac qırıntıları yoldan götürülüb. Magistral yolda avtomobillərin hərəkətinə təmin edilib.APA