Elm adamları kiçik oğlan uşaqlarının dəfn olunduğu sirli qədim Mayya  məzarlarını öyrəniblər.

KONKRET.az xəbər verir ki, yeni araşdırma nəticəsində məlum olub ki, kütləvi məzarlıqda qədim Mayya ayinlərinin bir hissəsi kimi qurban verilən 100-dən çox insanın qalıqları var.

Bu qalıqların tarixi 500 ilə qədər gedib çıxır.

Arxeoloqlar bu kəşfi 1967-ci ildə Meksikanın Yukatan yarımadasındakı Mayyaların Çiçen-İtsa şəhərində yeraltı su anbarında aşkar edilmiş 64 skeletin DNT-sini təhlil etdikdən sonra ediblər.

Tədqiqatçılar öz nəticələrini Nature jurnalında dərc olunan araşdırmada açıqlayıblar. Radiokarbon analizi anbarın 7-ci əsrin əvvəllərindən 12-ci əsrin ortalarına qədər istifadə edildiyini göstərib və genetik analizlər müəyyən edib ki, oradakı insanların dörddə biri yaxın qohum olublar. Hələlik dəfn edilən oğlan uşaqlarının necə öldüyü bəlli deyil.

Tədqiqatçılar dəfnin bəzi xüsusiyyətlərini aşkar ediblər. Oxşar Mayya dəfnlərində adətən yalnız gənc qadınlar və ya kişi və qadınların qarışığı olub.

“Ənənəvi olaraq, yeraltı mühitlə əlaqəli dəfnlər adətən məhsuldarlıq qurbanlarıdır”, – deyə alimlər qeyd ediblər.

Rəsmiyyə Şərifova,

KONKRET.az