Norveçin “Equinor” neft-qaz qrupu Rusiyadakı bütün layihələrini bağlayıb.

KONKRET.az xəbər verir ki, “Equinor” sentyabrın 2-də “Xara Yaxa” neft yatağındakı sövdələşmədən çıxdığını elan edib və bununla da şirkət Rusiyadakı bütün layihə və aktivlərini bağlamış olub.

Bu ilin may ayında “Equinor” “Rostneft” ilə dörd müştərək müəssisəsindən ayrıldığını elan etmişdi.

Xatırladaq ki, əvvəllər “Statoil” kimi tanınan Norveçin “Equinor” qrupu dünyanın 30 ölkəsində, o cümlədən Azərbaycanda təmsil olunur.//AZƏRTAC