Almaniya kansleri Olaf Şolts Kiyevə Xarici İşlər və Müdafiə nazirlikləri tərəfindən irəli sürülən 3 milyard avro məbləğində əlavə hərbi yardım paketinin ayrılmasına mane olur.

KONKRET.az “Der Spiegel”ə istinadən xəbər verir ki,  nazirlər fevralın 23-nə təyin edilmiş Bundestaq seçkilərinə qədər yeni yardım göstərmək istəyirlər. Müdafiə Nazirliyinin mütəxəssisləri hətta mərmilər, “Patriot” raketləri, 10 haubitsa və döyüş sursatları da daxil olmaqla daha üç “IRIS-T” hava hücumundan müdafiə sisteminin daxil olduğu silahların siyahısını hazırlayıblar. Əlavə xərc kimi 3 milyard avronun Bundestaqın Büdcə Komitəsindən keçməsi planlaşdırılırdı. Bununla belə, Kansler əlavə hərbi yardım paketini təsdiq etməyəcəyini qeyri-rəsmi şəkildə açıqlayıb. Nəşrin yazdığına görə, onlar öz mövqelərini əsaslandıraraq, Almaniyanın yeni hökumətini bitməmiş nəticə ilə qarşı-qarşıya qoymaq istəmədiklərini, həmçinin Almaniyanın Kiyevə silah tədarükünü maliyyələşdirmək üçün hələ də kifayət qədər vəsaitinin olduğunu qeyd ediblər. 2025-ci ilin büdcəsində bu məqsədlər üçün təxminən 4 milyard avro nəzərdə tutulub. Almaniyanın Sosial Demokrat Partiyası hesab edir ki, Şolts sadəcə  seçki marafonun ortasında Kiyevə yeni yardım elan etmək niyyətində deyil.

Vəli Həsənoğlu,

KONKRET.az