“Azərbaycanın mövcud pensiya sistemi zəif əsaslandırılmış modellərdən biri kimi xarakterizə olunur”.
Bu fikiri iqtisadçı Rəşad Həsənov KONKRET.az-a açıqlamasında səsləndirib.
“Hazırda sistemdə ciddi islahatlara ehtiyac var. Bu islahatların əsas istiqamətlərindən biri pensiya hüquqlarının təmin edilməsi ilə bağlı tətbiq olunan meyarların təkmilləşdirilməsidir. Bu kontekstdə pensiya kapitalının hesablanma metodologiyası xüsusi önəm daşıyır. Hal-hazırda pensiya kapitalı minimum pensiya məbləğinə bağlandığı üçün proqnozlaşdırma imkanları məhdudlaşır. Göstəricilərin tez-tez dəyişməsi vətəndaşların pensiyaya çıxmaq imkanlarını əhəmiyyətli dərəcədə məhdudlaşdırır.
Əgər pensiyaların artırılması ilə bağlı qərar qəbul edilirsə, bu, eyni zamanda minimum pensiya kapitalının da dəyişməsi ilə nəticələnir. Bu isə bir çox hallarda vətəndaşların pensiya hüquqlarına ciddi təsir göstərir.
Pensiya yaşı ilə bağlı məsələ də ciddi suallar doğurur. Ümumiyyətlə, beynəlxalq təcrübədə pensiya yaşı orta ömür göstəriciləri ilə uzlaşdırılaraq müəyyən edilir. Azərbaycanda isə orta ömür və pensiya yaşı arasındakı fərq çox azdır. Bu səbəbdən pensiya yaşının optimallaşdırılmasına ehtiyac var. Azərbaycanın fiskal yükü və demoqrafik göstəriciləri nəzərə alındıqda, qadınlar üçün optimal pensiya yaşı 60, kişilər üçün isə 61 müəyyən edilə bilər”.
İqtisadçının sözlərinə görə, digər bir problem varislik hüququnun məhdud olmasıdır. İnsanlar 30-40 il ərzində pensiya fonduna ödənişlər etsələr də, pensiya yaşına çatmadan vəfat etdikdə, ailə üzvləri bu kapitaldan yararlana bilmir. Bu da cəmiyyətdə narazılıq yaradan əsas məsələlərdəndir.
“Mövcud pensiya sistemi eyni zamanda pensiya məbləğlərində disbalans yaradır. Məsələn, bəzi sahələrdə çalışan şəxslərin pensiyaları, xüsusilə Əmək Məcəlləsinin 20-ci maddəsinin tələbləri çərçivəsində daha yüksək əmək haqqı əsasında formalaşır. Amma ölkənin insan kapitalının formalaşmasında mühüm rol oynayan, xüsusilə təhsil sektorunda uzun illər çalışan şəxslər üçün bu yanaşma tətbiq olunmur. Bu səbəbdən, 10 il yüksək maaşla işləyən bir şəxslə 50 il müəllim işləyən şəxsin pensiyasını müqayisə etdikdə, müəllimin daha az təqaüd aldığı görünür. Bu cür məsələlər mövcud pensiya sisteminin əsas nöqsanları sayılır və onların aradan qaldırılması üçün dərin institusional islahatlara ehtiyac duyulur”.
Aynurə İsmayıl
KONKRET.az
Mənim fikrimcə pensiyanın məbləğin qaldırmaq yerinə yaş həddin aşağı etsinlər normal bir məbləğ qoysunlar haqqı olan hər kəs yararlansın məsələn mənim atamın 28 il iş stajı vardı 56 yaşında dünyasın dəyişdi anamın hal hazırda 62 yaşı övladları olmasaydı bu insan 8 ildi yoldaşın itirib acından öləcəkdi iş qabiliyyətidə yoxdu xəstə adamdı dövlətdən bir qəpik almayıb bu günə kimi
Salam.bləli.mənim bacım 62 yazı var.Yoldaşı 8 ildir ki rəhmətə gedib.1975 ci ildən yoldaşı özü isə 1980 cı ildən işləyib.Son 10 ildir ki bacım işləmir. Özü də xəstədir.xəstəliyinə görə 5 il müavinat aldı.son illərdə isə xəstəliyinə görə yoxlama qalmadı ki eləməsin.Lakin poliklinika artımın eləmədi.indi mənim üstümdədir.əgər mən də olmasam bu adam necə olacaq?
Salam
Bu gün Azərbaycanda pensiya ile bağlı böyük haqsızlıqlar var.
İşleyen ve ya işlemeyen eyni mebleği alır.
1976 – 2006 cı ile kimi 27 il stajı var.
2007 – kimi2023 26 il ne olsun ki, mende 32o manatı alıram.
Sizce bu haqsızlığa deyilmi?
Vətəndaş kapital necə yiqsin, əgər DSMF haqsız olaraq, vətəndaşin hər il öz hesabına köçürdüyü pulun 10% ni götürüb, 90% ni vətəndaşa qaytarır. Bunu bir çox vətəndaşlar heç bilmirlər. Hansı ki, o pulu hər hansı banka qoysa vətəndaş, nəyinki 10% tutulma deyil, əksinə bank o pula illik 10% gəlir verər. Amma, DSMF bizim şəxsi pulumuzu adı “şəxsi” olsada əlçatmazdır bizə, özü istədiyi kimi özünə istifadə edir. Budur haqsizliq
Azərbaycanın pensiya sistemi elə qurulubki, heç bir vətəndaş pensiya yaşına çatmamış dünyasını dəyişsin. Hesabına yığılan pensiya kapitalı özünnən razı məmurlara cib xərcliyi olsun.