Xəbər verdiyimiz kimi, Prezident İlham Əliyev Elbrus Saleh oğlu İsayevin Naxçıvan Dövlət Universitetinin rektoru təyin edilməsi ilə bağlı sərəncam imzalayıb.

KONKRET.az xəbər verir ki, Elbrus İsayev Tarix üzrə fəlsəfə doktorudur.

O, 7 oktyabr 1979-cu ildə Naxçıvan şəhərində doğulub. 1996-2000-ci illərdə Naxçıvan Dövlət Universitetində təhsil alıb və 2000-2002-ci illərdə universitetdə magistratura təhsilini başa vurub. Tədqiqat sahəsi “Siyasi repressiyalar” olan Həsənov, 2002-2006-cı illərdə Naxçıvan Dövlət Universitetində doktorantura təhsili almış və “Beynəlxalq mədəni-iqtisadi və diplomatik əlaqələrin tarixi” mövzusunda tədqiqat aparmışdır. Doktorluq mövzusu isə “Böyük İpək Yolu və Naxçıvan” olub.

İlk gənclik illərində Naxçıvan Dövlət Universitetinin Gənclər Təşkilatının sədri və Tələbə Həmkarlar İttifaqı Komitəsinin sədri kimi fəaliyyət göstərmişdir. Bundan başqa, 2000-2005-ci illərdə Naxçıvan MR Dövlət Televiziya və Radio Verilişləri Komitəsində redaktor vəzifəsində işləmişdir. 2000-2008-ci illərdə isə Naxçıvan Dövlət Universitetinin Azərbaycan tarixi kafedrasında baş müəllim, 2008-ci ildən etibarən Beynəlxalq münasibətlər kafedrasının baş müəllimi olaraq fəaliyyətini davam etdirib.