Rusiya qoşunları Ukraynanın şərqində hücum təzyiqini azaltmır və Sum vilayətinin sərhədini vurur.

KONKRET.az xəbər verir ki, bu barədə Ukrayna Silahlı Qüvvələri Baş Qərargahının məlumatında bildirilib.

Məlumata görə, hazırda hərbi toqquşmaların sayı 72-yə yüksəlib. Düşmən Pokrovski istiqamətində daha çox fəallıq göstərir.

Bununla yanaşı, rus ordusu Sum vilayətinin sərhədi boyunca aviasiya və artilleriyadan istifadəni dayandırmır. Xüsusilə, Fotovij, Baçevsk, Drujba, Novovasilyevka, Bolşaya Berezka, Romaşkovo, Popovka, Timofeyevka, Pokrovka yaşayış məntəqələrinin əraziləri artilleriya atəşinə məruz qalıb.