Cənubi Koreyanın Ulsan şəhəri yaxınlığında Rusiyaya məxsus balıqçı gəmisi yanıb.

KONKRET.az xarici mediaya istinadən xəbər verir ki, bu barədə Koreya Sahil Mühafizəsi məlumat yayıb.

Bildirilib ki, hadisə nəticəsində 4 nəfər itkin düşüb.

Məlumata görə, ümumilikdə gəmidə 25 nəfər olub. Cənubi Koreya hökuməti 21 nəfəri xilas edib.

Qeyd olunub ki, yanğın yerli vaxtla saat 00:43-də baş verib, 100 ton dəniz məhsulları daşıyan gəmi Rusiyaya gedirmiş.

Cənubi Koreya dörd ekipaj üzvünün axtarışlarını davam etdirir.

İqbal Rzayev,

KONKRET.az