Qarabağdakı Rusiya sülhməramlıları bir cəsarət göstərərək qanlı müharibəni dayandırdılar, halbuki bu missiyanı yerinə yetirmək istəyən Qərb dövlətləri yox idi.

KONKRET.az xəbər verir ki, bu sözləri  RİA Novosti- yə açıqlamasında Rusiya Federasiya Şurasının beynəlxalq komitəsinin rəhbərinin birinci müavini Vladimir Cabarov bildirib.

“İnanıram ki, Rusiya sülhməramlıları bir şücaət göstərdilər və 2020-ci ilin noyabrında qanlı müharibəni dayandırdılar. Amma onu dayandırmaq istəyən başqa heç kim olmadı – nə amerikalılar, nə də fransızlar”, – Cabarov deyib.

Onun sözlərinə görə, əgər Rusiya sülhməramlıları olmasaydı, “böyük insan faciəsi orada baş verərdi”.

Xatırladaq ki, sentyabrın 2-də Ermənistanın baş naziri Nikol Paşinyan İtaliyanın “La Repubblica” nəşrinə müsahibəsində Rusiya ilə bağlı bir sıra tənqidi bəyanatlar səsləndirib. 

Ariz Həsənoğlu,

KONKRET.az