RT ukraynalı uşaqları çayda boğmağı təklif etdiyi üçün aparıcını işdən çıxarıb.
KONKRET.az xəbər verir ki, bu barədə Rusiyanın təbliğat kanalı “Russia Today”in baş redaktoru Marqarita Simonyan məlumat verib.
O bildirib ki, aparıcı Anton Krasovski Ukrayna ərazisinin Rusiya tərəfindən işğal edildiyini düşünən ukraynalı uşaqların suda boğulması barədə bəyanatından sonra onunla əməkdaşlığı dayandırıb.
Belə ki, aparıcı, kanalın rusdilli versiyasının yayım direktoru Anton Krasovski yazıçı Sergey Lukyanenko ilə söhbətində Ukrayna ərazisinin Rusiya tərəfindən işğal edildiyinə inanan ukraynalı uşaqları suda boğmağı təklif edib.
Lukyanenko bildirib ki, 1980-ci ildə uşaq vaxtı Ukraynaya gedib və ukraynalı rusdilli uşaqlar ona Ukraynanın “maskovitlər” tərəfindən işğal edildiyini deyiblər.
“Və onlar birbaşa Kaçanın axdığı Tisində boğulmalıdırlar. Birbaşa bu uşaqları boğun, boğulsunlar… Kim dedi ki, moskvalılar işğal etdilər, siz onları dərhal burulğanlı çaya atın”, – aparıcı deyib. O, həmçinin Karpatlarda uşaqları “taxta daxmada” bağlayıb yandırmağı təklif edib.
Aparıcının sözlərinə etiraz və təpkilərdən sonra Simonyan aparıcını işdən azad etmək məcburiyyətində qalıb.
“Hələlik mən əməkdaşlığımızı dayandırıram. Çünki nə mən, nə də RT komandasının digər üzvləri belə bir oyunu paylaşmaq fikrinə belə icazə verə bilmərik”, – deyə Simonyan bildirib.
Eyni zamanda Simonyan deyib ki, “Krasovskinin uşaqları boğmaq lazım olduğunu səmimi şəkildə dediyinə inanmaq çətindir”.
O, Krasovskinin açıqlamasını “vəhşi və iyrənc” adlandırıb.
“Bəlkə Anton bunun hansı ani dəlilikdən qaynaqlandığını və onun dilindən necə qaçdığını izah edəcək”, – deyə baş redaktor təəssüflənib.
Qeyd edək ki, Anton Krasovski bu ifadələrinə görə üzr istəyib.
Krasovskinin bu sözləri ilə bağlı Ukraynanın xarici işlər naziri Dmitri Kuleba dünya ölkələrini “Russia Today”in yayımını qadağan etməyə çağırıb.
Xuraman Etibarlı,
KONKRET.az