Yaponiyanın Müdafiə Nazirliyi hipersəs döyüş başlıqlarını vura biləcəyini iddia etdiyi elektromaqnit relsli silahın tam miqyaslı prototipini tezliklə sınaqdan keçirməyi planlaşdırır.

KONKRET.az xəbər verir ki, bu barədə “Yomiuri” qəzeti məlumat yayıb.

Tərtibatçıların izah etdiyi kimi, relsli silah partlayıcı və barıt olmadan elektrik enerjisindən istifadə edərək mərmi böyük sürətlə sürətləndirə bilən yeni silahdır. Sürətdən əlavə, bu cür silahlar daha böyük məsafə və dəqiqliyə malikdir, buna görə də istənilən hava hədəflərini, o cümlədən hipersəs hədəflərini vurmaq üçün istifadə edilə bilər.

Elektromaqnit relsli silahların Aegis çoxməqsədli izləmə və istiqamətləndirmə sistemləri olan gəmilərdə quraşdırılması gözlənilir.