Vyetnamda aylardır baş ağrısından əziyyət çəkən 35 yaşlı kişi xəstəxanaya gedərkən həyatının şokunu yaşayıb.

KONKRET.az xəbər verir ki, 5 aydır baş ağrısı şikayəti ilə xəstəxanaya müraciət edən kişinin beynində iki çubuq olduğu aşkarlanıb.

Kişini yoxlayan həkimlər onun beynində iki Çin yemək çubuğu olduğunu müəyyən ediblər.

Həkimlər endoskopik əməliyyatla onun kəlləsinə ilişən çubuqları çıxarıblar.

Digər tərəfdən həmin şəxs 5 ay əvvəl bir məkanda həddindən artıq sərxoş olan zaman bir nəfərlə dava etdiyini və bu şəxsin onun başına hansısa əşya ilə xəsarət yetirdiyini, lakin nə baş verdiyini xatırlamadığını bildirib.