ABŞ NATO-nun Avropadakı bazalarına dekabrda çatdırılması üçün təkmilləşdirilmiş “B61-12” taktiki bombalarının yerləşdirilməsini sürətləndirməyə qərar verib.

KONKRET.az xəbər verir ki, bu barədə cümə axşamı “Politico” qəzeti diplomatik mənbələrə istinadən məlumat yayıb.

Nəşr bildirir ki, NATO-nun Brüsseldə keçirilən qapalı iclasında ABŞ rəsmiləri bombaların planlaşdırılan vaxtdan tez yerləşdiriləcəyini bildirib.

İlkin plana görə, onların 2023-cü ilin yazında Avropada yerləşdirilməsi nəzərdə tutulurdu.

Qeyd olunur ki, Vaşinqtonun Avropa anbarlarında olan köhnə silahları dəyişdirmək qərarı Qərblə Rusiya arasında gərginliyin artması fonunda baş verir.

İqbal Rzayev,

KONKRET.az