ABŞ Nigerdəki qoşunlarının və hərbi texnikasının bir hissəsini Niameydəki 101-ci aviabazadan Aqadezdəki 201-ci aviabazaya köçürəcək.

KONKRET.az xarici KİV-ə istinadən xəbər verir ki, bu barədə Pentaqon məlumat yayıb.

Qeyd olunub ki, Vaşinqtonun ölkədə 1100-ə yaxın hərbçisi var.

Hərbi departament bu addımı ehtiyat tədbiri adlandırıb.

Pentaqonun sözçüsü Sabrina Sinq bildirib ki, sahədə ABŞ personalı üçün təhlükə yoxdur.

Onun sözlərinə görə, 101-ci bazada kiçik bir heyət qalacaq.

İqbal Rzayev,

KONKRET.az