Dünən Ağsu rayonunun Ağsu aşırımı adlanan ərazisində başlayan yanğın söndürülüb.

KONKRET.az-a bu barədə Fövqəladə Hallar Nazirliyinin Mətbuat Xidmətindən məlumat verilib.

Bildirilib ki, sözügedən ərazidə qeydə alınan yanğın bu dəqiqələrdə söndürülüb.

Xatırladaq ki, yanğın iyunun 16-da dağlıq ərazidə başlamışdı.

Əraziyə Fövqəladə Hallar Nazirliyinin Dövlət Yanğından Mühafizə Xidməti və Mülki Müdafiə Qoşunlarının müvafiq qüvvələri, Aviasiya dəstəsinin iki helikopteri yanğınsöndürmə işlərinə cəlb edilmişdi.