Səudiyyə Ərəbistanının Daxili İşlər Nazirliyi Məkkə şəhərindəki müqəddəs Məscidül-Haram ərazisində ictimai etikaya zidd hərəkətlər törətməkdə günahlandırılan iki Banqladeş vətəndaşının barəsində çıxarılan ölüm hökmünün icra olunduğunu açıqlayıb.

KONKRET.az “Qafqazinfo”ya istinadən xəbər verir ki, nazirliyin yaydığı rəsmi bəyanatda müqəddəs məkanın toxunulmazlığını və mənəvi dəyərlərini pozmaqda ittiham olunan şəxslərin Nuzurulislam Əbdülbasiri və Seti Ahter olduğu bildirilib.

Hadisədən dərhal sonra təhlükəsizlik qüvvələri tərəfindən saxlanılan şəxslər barəsində aparılan genişmiqyaslı istintaq və məhkəmə prosesi başa çatıb. Məhkəmənin yekun qərarı və ali təsdiqdən sonra edam hökmü yerinə yetirilib.

Yayılan görüntülərə görə, onların qılıncla boyunları vurulub.