İqtisadçı Qadir İbrahimli sosial şəbəkədə status yazaraq ödənişli təhsilin ləğv olunmasının zəruri olduğunu əsaslandırmağa çalışıb. Konkret.az iqtisadçının qeydlərini təqdim edir:
“Ali məktəblərə ixtisas seçimi bu gün başa çatır. Bir neçə gündən sonra valideynlərin sevinci kədərinə qarışacaq – uşaq məktəbə qəbul olub, ancaq ödənişli ixtisasa. Bu kasıb valideyn üçün bundan böyük yük yoxdur. Ovladını sındırmamaq üçün borc-xərc hesabına da olsa pulu tapmalıdır. Özü də 1 illik təhsil haqqını qabaqcadan ödəməlidir. Təsəvvür edin ki, orta aylıq gəliri 500—600 manat olan ailənin övladı yüksək Tibb Universitetinə daxil olub. ATU-də təhsil haqqı isə i5500 manatdır – ailənin 1 illik gəliri səviyyəsində. Məhz bu səbəbdən də hər ilə yüzlərlə savadlı tələbə təhsilini davam etdirə bilmir. Yerini isə ondan az bal toplayan, ancaq imkanları ailələrin övladları tutur. Gənclər həyatlarında ilk ağır zərbəsini alır və mənən sınırlar. Bu zərbə ömürləri boyu onları təqib edir və yaxşı vətəndaş ola bilməyəcək.
Orta aylıq gəlirin 550 manat olan ölkədə illik təhsil haqqının 5500-6500 manat olması absurddur. Və heç bir tənqidə dözmür.
Ümuiyyətlə, dövlət universitetlərində təhsil pullu ola bilməz. Ödənişli təhsil yalnız özəl unversitetlərdə və dövlət universitetlərində oxuyan tələbələrə aid olmalıdır. Ümuiyyətlə, unversitetlərdə təhsil haqqının hansı kriteriyalarla müəyyənləşməsi bəllid deyil – hər rektor xəyalına uyğun təhsil haqqı müəyyən edir. Qızımın daxil olduğu Uludağ Universitetində seçdiyi ixtisas (sosiologiya) üzrə əcnəbilərə təhsil haqqı 2000 lirədir – 610 manat. BDU-da eyni ixtisas üzrə yerli tələblərə isə illik təhsil haqqı 2500 manatdır – düz 4 dəfə çox. Təbii ki, reytinqinə görə isə Uludağ Universiteti BDU-dan ən azı 4 fəfə öndədir – nən məntiq var, nə aydın kriteriya…
Yaxşı olardı ki, hökumət dövlət universitetlərində yerli tələbələrin ödənişdən tam azad edilməsi barədə qərar qəbul etsin. Bu həm xeyli aztəminatı təbəqəni əhatə edəcək sosial layihə olar.”
Konkret.az