Almaniya ölkədəki son üç atom elektrik stansiyasını bağlayıb.

KONKRET.az xarici mediaya istinadən xəbər verir ki, Almaniya kansleri Olaf Şolts AES-in bağlanmasını 2022-ci ilin sonuna planlaşdırmasına baxmayaraq, stansiyaların istismar müddəti aprelin 15-dək uzadılıb.

Qeyd edək ki, Aprelin 15-dən Almaniya rəsmən atom elektrik stansiyaları olmayan ölkəyə çevriləcək.

Xatırladaq ki, Almaniya atom elektrik stansiyalarının mərhələli şəkildə dayandırılması planını 2011-ci ildə Fukusimadakı nüvə fəlakətindən sonra həyata keçirməyə başlayıb. Bu məqsədə nail olmaq üçün ölkədəki bütün AES-lərin mərhələli şəkildə dayandırılması, eləcə də bərpa olunan enerji mənbələrinin payının artırılması qərara alınıb. 2011-ci ildən o dövrdə fəaliyyət göstərən 17 AES-dən 8-i bağlanıb, qalanlarının isə 2022-ci ilin sonuna kimi bağlanması nəzərdə tutulurdu.

İqbal Rzayev,

KONKRET.az