Bakıda nəqliyyat vasitələrinin hərəkətinin məhdudlaşdırıldığı ərazilərdə yerləşən ictimai iaşə obyektlərinə, istirahət məkanlarına əlçatanlığın təmin edilməsi məqsədilə ödənişsiz şatl (qısaməsafəli nəqliyyat vasitəsi – red.) tipli elektrik mikroavtobusları istifadəyə verilib.

KONKRET.az xəbər verir ki, bu barədə Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyi məlumat yayıb.

Məlumata əsasən, şatlların istiqamətləri bunlardır:

C1 – Xaqani bağı – Zərifə Əliyeva küçəsinin sonu, C2 – Sabir bağı – Əziz Əliyev küçəsinin sonu.

Bildirilib ki, bu şatllar həftə sonları və bayram günlərində saat 12:00-00:00 aralığında fəaliyyət göstərəcək. İnterval isə 7-10 dəqiqə olacaq.