Qadın futbolçular arasında Belarus çempionatının startı təxirə salınıb.

KONKRET.az-ın məlumatına görə, bu barədə Belarus Futbol Federasiyaları Assosiasiyası (ABFF) qərar qəbul edib. Səbəb kimi daha əvvəl turnirlərin birində iştirak etmiş bəzi oyunçuların mümkün koronavirus daşıyıcıları ilə təmasda olmaları göstərilib.

İlk tur 16 – 18 apreldə keçirilməli idi. Lakin matçlar yeni bildirişədək ertələnib.

Qeyd edək ki, kişi futbolçular arasında Belarus çempionatı Avropada hələlik dayandırılmayan yeganə turnirdir. Yarış cədvəlinə 4 oyundan 9 xal toplayan “Torpedo-BelAZ” başçılıq edir.

Report