Bu gün axşam saatlarında İranın Suriyadakı konsulluğuna endirilən hava hücumu ilə əlaqədar BMT Təhlükəsizlik Şurasının iclası keçiriləcək.
KONKRET.az xarici mediaya istinadən xəbər verir ki, bu barədə Rusiyanın BMT-dəki nümayəndəsinin birinci müavini Dmitri Polyanski “Teleqram”-da yazıb.
O bildirib ki, toplantının keçirilməsi təşəbbüsünü İranla yanaşı Rusiya Federasiyası da dəstəkləyib.
Xatırladaq ki, dünən axşam saatlarında İranın Dəməşqdəki konsulluğuna hücum nəticısində bina tamamilə dağılıb, iki iranlı general və SEPAH-ın beş zabiti həlak olub.
İranın BMT-dəki daimi nümayəndəliyi Təhlükəsizlik Şurasını İsrailin zərbəsini pisləməyə çağırıb.
Xatirə SADİQ,
KONKRET.az