Belarus və Monqolustan hazırda müşahidəçi qismində çıxış etdikləri Şanxay Əməkdaşlıq Təşkilatına (ŞƏT) qoşulacaqlar.

KONKRET.az xarici KİV-ə istinadən xəbər verir ki, bu barədə təşkilatın Astanada keçirilən 40-cı iclasının açılışında bildirilib.

Milli Təhlükəsizlik Komitəsinin sədr müavini Ruslan Seysembayevin sözlərinə görə, ŞƏT-ə üzvlük daim genişlənir:

“Bu, təşkilatımızın durmadan artan beynəlxalq nüfuzunu və təsirini inandırıcı şəkildə nümayiş etdirir. Gələn il ŞƏT-ə üzvlük prosedurunu başa çatdıran Belarusdan təcrübəli mütəxəssislərin qoşulması gözlənilir. Monqolustanda da analoji işlər aparılır”.

Qeyd edək ki, bugünkü iclasda ilk dəfə olaraq ŞƏT-in tamhüquqlu üzvü kimi bu quruma yeni qoşulmuş İran nümayəndəsi də iştirak edir.

Xatırladaq ki, ŞƏT-ə Qazaxıstan, Qırğızıstan, Çin, Hindistan, İran, Pakistan, Rusiya, Tacikistan və Özbəkistan daxildir.

Müşahidəçi ölkələr isə Əfqanıstan de-yure, Belarus, Monqolustandır.

İqbal Rzayev,

KONKRET.az