Erməni müxalifəti ərazilərin Azərbaycana verilməsi şərtini açıqlayıb.
KONKRET.az xəbər verir ki, Ermənistanın müxalifət partiyası Daşnaksütyun bəyan edib ki, torpaqların Azərbaycana verilməsi yalnız bir şərtlə – müvafiq referendumdan sonra mümkündür.
Mesaj siyasi birliyin saytında dərc olunub.
Natiq Səlim,
KONKRET.az
Daşnaksütyun partiyasının irəli sürdüyü təklifin heç bir hüquqi əsası yoxdur. Həmin torpaqlar qanunla müəyyən edilmiş Azərbaycan əraziləridir. Əgər vaxtilə həmin ərazilər Ermənistana məxsus olsa idi, onda Daşnaksütyun partiyasının tələbi düzgün olardı. Həmin ərazilər Ermənistan tərəfindən işğal edilib. Belə olan halda Azərbaycan respublikasının 1920-1984- cü illərdə qeyri qanuni olaraq zorla Ermənistana verilmiş ərazilərimizin geri qaytarılmasını tələb etməliyik. Ona görə ki, hamıya məlumdur ki, həmin ərazilər Ermənistana Rusiya kommunistləri tərəfindən Azərbaycan respublikasının parlamenti tərəfindən ratifikasiya olunmadan verilib və bu baxımdan qeyri qanuni hesab olunur. Əslində, bütün Ermənistan adlı qondarma qurum tarixi Azərbaycan torpaqlarında Rusiya tərəfindən yaradılmışdır. Bu faktı Rusiya və Ermənistan yetkililəri çox yaxşı bilir…