Hindistan ərazisinə və əhalisinin sıxlığına görə ən böyük dövlətlərdən biri sayılır. XX əsrin ortalarından inkişaf etməkdə olan dövlətlər kateqoriyasına daxil olan sözügedən məmləkətin çox ziddiyyətli və qarışıq tarixi var. Xüsusi olaraq vurğulayaq ki, Hindistan Rusiya, Fransa və İrandan sonra Ermənistanın yaxın müttəfiqlərindən sayılır. Artıq açıq mındəbələrdə Hindistanın Ermənistana hərbi yardımı ilə bağlı müxtəlif informasiyalara rast gəlinir. Maraqlıdır, hindlilərin və farsların ermənilərə rəğbəti haradan gəlir? Əlbəttə, qan qohumluğu öz sözünü deyir. İslam dininə nifrət edən buddistlərin, din pərdəsi altında gizlənən farsların erməni məhəbbəti hələ qədim dövrlərdən qabarmışdı. Müasir sivilizasiyada isə özünü dövlət maraqları şəklində göstərir.

KONKRET.az bu məsələnin aktuallığını nəzərə alaraq bu çoğrafiyada yaşayan xalqların kimliyi və mənşəyi haqqında məlumatları ixtisarla təqdim edir.

Qeyd edək ki, Hindistanın yerli əhalisi əsrlərlə müstəmləkə şəraitində yaşayıb. Ona görə də bu bölgəgə neqroid, monqoloid və avropoid irqinə mənsub xalqlara rast gəlmək olur.

Hindistan adalar, dağlar, bataqlıqlar və sıx meşələr diyarıdır. Bu ölkədə bir-birinə qohum olmayan qruplar da çoxdur.

Onlardan birincisi tarixi e.ə. 2000-ci ilə gedib çıxan arilərdir. Ümumiyyətlə, arilər yaxın Mərkəzi Asiyadan Hindistana köçmüş Hind-İran köçəri tayfalarının özlərinə verdikləri addır. Hind ölkəsində arilər tədricən yerli əhali ilə qarışaraq onlarla birlikdə hind xalqını təşkil ediblər. İran və Azərbaycan ərazilərində yerli əhali ilə qarışan arilərdən bir çox irandilli tayfalar – parfiyalılar, farslar, midiyalılar, saqartilər, kadusilər, mardlar, kirtilər və b. meydana gəlmişdilər.

İkinci kateqoriyaya aid olanlar tarixən cənubda üstünlük təşkil edir. Bunlar demək olar ki, eyni sayda Dravid etnik qrupları, Harappa və Moxenco-Daro sivilizasiyalarının nəsilləridir.

Əlbəttə ki, minilliklər boyu birlikdə yaşayan bu xalqlar bədnam kasta sisteminə baxmayaraq, bir-biri ilə güclü şəkildə qarışıb. Böyük fatehlərin Hindistana yürüşləri ilə skif tayfalarının, türk-monqolların, fars və tacik sülalələrinin, əfqanların və hətta müəyyən dərəcədə Qərbi Avropalıların qanı da bu xalqlara qarışıb.

Çox təəccüblü olsa da, şimallılar və qara rəngli cənublu hindlilərin əsilləri avropoid irqinə aiddir. Ümumiyyətlə, irq dəri rəngi deyil, müəyyən əlamətlərin birləşməsidir.

Hindistanda müxtəlif insan qruplarının əsrlər boyu qarışması nəticəsində iki böyük alt irq, eləcə də bir çox keçid tipləri yaranmışdır. Cənubda Cənubi Hindistan və ya Dravid irqi üstünlük təşkil edir. O, avropoidin bir hissəsi hesab olunur və yarımadanın ilk sakinləri olan ekvatorial avstraloid populyasiyaları ilə Şimali Hindistan və Mərkəzi Asiyadan gələn yad cənub avropoidlərin qarışığından yaranmışdır. Onlar tünd dəri rəngi, buruq (və nadir hallarda düz) qara saçlar, kiçik boy, qəhvəyi gözlər ilə xarakterizə olunur.

Şimalda yaşayan hindlilər Aralıq dənizi sahillərindən Hindistanın özünə qədər uzanan Hind-Aralıq dənizi irqinin bir hissəsi hesab olunurlar. Hind-İran irqi onun yerli alt növüdür. Bu insanlar həm yerli dravidlərin, həm də daha az dərəcədə avstraloidlərin, eləcə də Cənubi Sibirin köçəri hind-ari qruplarının nəsilləridir.

7-5 min il əvvəl zahiri görkəminə görə müasir Veddalara və Əndəmandlara bənzəyən əhali İran və Orta Asiyadan gələn oturaq əkinçilərlə qarışmağa başladı. Bu, indiki Pakistan və Şimali Hindistan ərazisində baş verib və Dravidian (Cənubi Hindistan) irqinin yaranmasına səbəb olub.

4-3 min il əvvəl eyni bölgədə hind-arilər və yuxarıdakı qrupların birləşməsi nəticəsində hind-iran irqinin formalaşması başlanıb. Yuxarıda da qeyd etdiyimiz kimi, Hindistanın şimal hissəsinin müasir sakinləri müxtəlif dərəcədə Şimali Hindistan, Cənubi Hindistan, İran və Avrasiya çöl qruplarının törəmələridir.

Maraqlıdır ki, Hindistan yarımadasının şimal hissəsində avropoid personajları çoxluqdadır, həmçinin yuxarı kastalar arasında, əsasən brahmanlar arasında üstünlük təşkil edir. Müəyyən dərəcədə dəri tonu hələ də hindlilərin həyatına təsir göstərir, çünki mənşəyi ilə əlaqələndirilir və buna görə də – həyat səviyyəsi və təhsili ilə fərqlənir.

Hazırladı: Rəsmiyyə Şərifova,

KONKRET.az