İsrail və Ukrayna arasında diplomatik gərginlik pik həddə çatıb. İsrail parlamentinin Əmək və sosial təminat komitəsinin rəhbəri Mixal Voldiger rəsmi Kiyevi nankorluqda ittiham edərək, ölkəsinin bu vaxta qədər Ukraynaya göstərdiyi genişmiqyaslı yardımları xatırladıb.

KONKRET.az xəbər verir ki, Voldiger İsrailin Ukrayna üçün xəstəxanalar qurduğunu, döyüş sursatları, kaskalar və digər zəruri ləvazimatlar göndərdiyini bildirib. Lakin buna cavab olaraq Ukraynanın İsrailə qarşı sanksiyalar tətbiq etməklə hədələməsi Təl-Əvivdə kəskin etirazla qarşılanıb. İki ölkə arasındakı böhranın əsas səbəbi isə 30 min ton taxıl daşıyan “Panormitis” gəmisinin Hayfa limanına daxil olmasıdır. Kiyev bu yükün “oğurlandığını” iddia edərək, gəminin dərhal həbs edilməsini ultimatim formasında tələb edib.

Natiq Səlim,
KONKRET.az