Serbiya hakimiyyəti Çeçenistan rəhbəri Ramzan Kadırovun qardaşı oğlu Yakob Zakriyevin vətəndaşlığını ona pasport verildikdən cəmi beş gün sonra ləğv edib.
KONKRET.az Globalinfo.az-a istinadla xəbər verir ki, qərar ictimai və media reaksiyasının artması fonunda qəbul olunub.
Qeyd olunur ki, vətəndaşlığın verilməsi prosesi geniş müzakirələrə səbəb olub və bu addımın əsaslandırılması ilə bağlı suallar yaranıb.
Nəticədə Serbiya hökuməti məsələni yenidən nəzərdən keçirərək sənədin qüvvədən düşməsi barədə qərar qəbul edib.
Sənədin ləğvi barədə qərar ölkənin Baş naziri tərəfindən imzalanıb.