Müxalifətin “Müqavimət” Hərəkatının liderlərindən biri, erməni deputat İşxan Saqatelyan ölkədə etirazların gah aktivləşdiyini, gah da passivləşdiyini etiraf edib.

KONKRET.az xəbər verir ki, bu barədə informasiyanı erməni mətbuatı yayıb.
“Aksiya iştirakçılarının sayının az olmasına gəlincə, səhər aksiyalarına çoxlu insan cəlb etmək məqsədimiz yoxdur”, deyə Saqatelyan bildirib.

“Etdiyimiz hər şey çox təsirli oldu, lakin strategiyanı dəyişdirməliyik”, – deyə müxalifətçi əlavə edib.

Xatırladaq ki, bu gün, iyunun 10-da erməni müxalifəti KTMT Nazirlər Şurasının iclasının başladığı ölkə prezidentinin iqamətgahına doğru yürüş təşkil edib.

Roman Göytürk,

KONKRET.az