Gürcüstanın “Vahid Milli Hərəkat” müxalifət partiyasının sədri Levan Xabeişvili gürcü və ukraynalı siyasətçi Mixail Saakaşvilinin azadlığa buraxılması üçün qərargah yaratmaq niyyətində olduğunu bəyan edib.

KONKRET.az xəbər verir ki, o, bu barədə brifinqdə məlumat verib.

Onun sözlərinə görə, partiya diqqəti Saakaşvilinin həbsinə cəlb etmək istəyir.

Bundan əvvəl Ali Rada vətənində həbsdə olan Gürcüstanın sabiq prezidenti Mixail Saakaşvili ətrafında yaranmış vəziyyətlə əlaqədar Ukrayna parlamentinin müraciəti ilə bağlı yeni qətnamə layihəsini qeydə alıb.

Sənəddə siyasətçinin müalicə üçün dərhal xaricə göndərilməsi tələb olunur.

Qeyd edildiyi kimi, təşəbbüs Ali Radanın Gürcüstana, Avropa Parlamentinə , Avropa İttifaqı Şurasına, Avropa Komissiyasına və AŞPA-ya Saakaşvili ilə bağlı müraciətini nəzərdə tutur.