Ermənistan Azərbaycan vətəndaşı Kamil Zeynallı ilə bağlı Rusiya tərəfinin sorğusuna dərhal cavab verib.

KONKRET.az xəbər verir ki, bu barədə Ermənistanın Daxili İşlər naziri Vahe Kazaryan məlumat verib.

“Biz öz funksiyalarımızı tam şəkildə yerinə yetirmişik. Müraciət daxil olan kimi, həmin gün cavab vermişik”, – Kazaryan qeyd edib.

Onun sözlərinə görə, Rusiya saxlanılan şəxsin axtarışda olub-olmadığını soruşub, Ermənistan isə buna müsbət cavab verib.

O, Zeynallının Azərbaycana göndərilməsi məsələsinə münasibət bildirməyib: “Bu, siyasi qərardır, ya yox, bunu deyə bilmərəm”.

Qeyd edək ki, Kamil Zeynallı fevralın 21-də səhər saatlarında Domodedovo hava limanında saxlanılaraq polis bölməsinə aparılıb.

Daha sonra onun azadlığa buraxılaraq Bakıya qayıtdığı açıqlanıb.

Ariz Həsənoğlu,

KONKRET.az