Fələstinin HƏMAS hərəkatının hərbi qanadı Əl-Qəssam Briqadaları İsrail tərəfi atəşkəs razılaşmasının şərtlərinə əməl edənə qədər ikinci qrup israilli girovların azad edilməsini təxirə salıb.

KONKRET.az xəbər verir ki, bu barədə təşkilatın “Telegram” kanalında verdiyi bəyanatda deyilir.

HƏMAS Siyasi Bürosunun rəhbərinin media üzrə müşaviri Taher əl-Nunu şənbə günü “Əl-Cəzirə” telekanalına müsahibəsində deyib ki, İsrail Qəzza zolağında atəşkəs razılaşmasını dəfələrlə pozub.

Onun sözlərinə görə, israillilər yük maşınlarının ölkəyə girişi ilə bağlı müqavilənin müddəalarına da əməl etmirlər.