Liberal Demokrat Partiyasının qurucusu və birinci lideri Vladimir Jirinovskinin vəfatının ildönümündə Moskvadakı Novodeviçi qəbiristanlığında siyasətçinin abidəsi açılıb.

KONKRET.az Rusiya mediasına istinadən xəbər verir ki, Jirinovskinin bürüncdən hazırlanmış heykəlinin hündürlüyü 2,75 metrdir.

Abidənin postamentində iki kitabə həkk olunub.

Qeyd edək ki, tədbirdə Dövlət Dumasının spikeri Vyaçeslav Volodin, maliyyə naziri Anton Siluanov, baş nazirin müavini Aleksandr Novak, Dövlət Dumasının sədr müavini Pyotr Tolstoy və Liberal Demokrat Partiyasının sədri Leonid Slutski iştirak edib.

Xatırladaq ki, Jirinovski 6 aprel 2022-ci ildə koronavirus infeksiyasından sonra 75 yaşında vəfat edib.

İqbal Rzayev,

KONKRET.az