Ekoloji cəhətdən təmiz hesab edilən kağız kofe stəkanları plastik olanlar qədər insan və ətraf mühit üçün zərərlidir.

KONKRET.az xarici KİV-ə istinadən xəbər verir ki, bunu İsveçin Göteborq Universitetinin alimləri aşkar ediblər.

Araşdırmanın nəticələri “Environmental Pollution” jurnalında dərc olunub.

Qeyd olunub ki, təhlükə stəkanların suya davamlı olması üçün istifadə edilən nazik materialdan qaynaqlanır.

Aşkar edilən kimyəvi maddələrə alov gecikdiricilər, plastifikatorlar və ABŞ Ətraf Mühitin Mühafizəsi Agentliyinin zəhərli hesab etdiyi yuyucu nonilfenol daxildir.

Alimlərin fikrincə, bu maddələr xəstəliklərə səbəb ola bilər.

İqbal Rzayev,

KONKRET.az