Kürdəmirdə piyadanın ölümü ilə nəticələnən yol qəzası baş verib.

KONKRET.az-ın xəbərinə görə, hadisə bu gün gecə saatlarında Bakı-Qazax magistral yolunun Kürdəmir rayonunun Karrar kəndindən keçən hissəsində qeydə alınıb.

“Chevrolet” markalı minik maşını piyada Əliyev İlhamı vurub.

Bundan sonra piyadanı başqa avtomobil də vuraraq bir neçə hissəyə bölüb.

Piyada hadisə yerində ölüb.

Faktla bağlı Baş Dövlət Yol Polisinin İstintaq və Təhqiqat Şöbəsində araşdırma aparılır./apa