Mahir Emreli AD GÜNÜNDƏ möhtəşəm qol vurdu – VİDEO
240
Azərbaycan millisinin hücumçusu Mahir Emrelinin çıxış etdiyi “Dinamo” (Zaqreb) futbol klubu cümə günü Sloveniyada Slovakiyanın “Spartak”ı ilə yoxlama oyunu keçirib.
KONKRET.az xəbər verir ki, görüş 3:3 hesablı heç-heçə ilə yekunlaşıb. İkinci hissədə meydana daxil olan Mahir 90-cı dəqiqədə qol vuraraq “Dinamo”nu məğlubiyyətdən xilas edib.
Mahir Emreli bu qolu iyulun 1-də qeyd etdiyi 25 yaşına hədiyyə edib.
Bu, azərbaycanlı hücumçunun bu yay yoxlama oyunlarında vurduğu ikinci qoludur. İyunun 28-də Sloveniya “Nafta”sı ilə görüşdə də qol vurub.
Xorvatiya çempionatı iyulun 16-da başlayır və iyulun 19-da Zaqreb “Dinamo”su Çempionlar Liqasının 2-ci təsnifat mərhələsinin ilk oyununa çıxacaq.
