Almaniya Daxili İşlər Nazirliyi Krokusda törədilən terror aktından sonra ölkədə İŞİD təhlükəsinin olduğunu açıqlayıb.
KONKRET.az xəbər verir ki, daxili işlər naziri Nensi Fezer ölkəyə qadağan edilmiş İŞİD terror təşkilatından təhdid olduğunu açıqlayıb.
“Xorasandakı “İslam Dövləti” hazırda “Almaniyada ən böyük islamçı təhlükəni təmsil edir”, – deyə Fezer bildirib.
O vurğulayıb ki, Milad və Yeni il dövründə Kölndə tətbiq edilən gücləndirilmiş təhlükəsizlik tədbirləri həm də İŞİD-in mümkün terror təhlükələrindən qorunmağa yönəlib. Nazirin sözlərinə görə, islamçı terrorizm təhlükəsi ciddi olaraq qalır.
Günel Mikayılova,
KONKRET.az