Xarici İşlər Nazirliyinin (XİN) funksiyaları artırılıb.

KONKRET.az xəbər verir ki, Prezident İlham Əliyevin bu gün imzaladığı fərmanla “Azərbaycan Respublikasının Xarici İşlər Nazirliyi haqqında Əsasnamə”yə dəyişiklik edilib.

Beləliklə, XİN “Kimyəvi silahın hazırlanması, istehsalı, artırılması (yığılması) və tətbiq edilməsinin qadağan olunması və onun məhv edilməsi haqqında” qanuna uyğun olaraq beynəlxalq əməkdaşlığı həyata keçirəcək, o cümlədən beynəlxalq monitorinqlərin aparılması üçün lazımi təşkilati tədbirlər görəcək.